هەفتەی بروسکە
١٠ تا ١٦ی تشرینی یەکەمی ٢٠٢٦
ئەم هەفتەیە، تا ئێستا. تا ڕۆژی هەینی نوێ دەبێتەوە.
- ٥٦هەواڵ
- ٤دەنگۆ
- ١٤چیرۆکی تەواو
- ١١٦وشەی فەرهەنگۆک
قەیرانی میمۆری گەیشتە ئاستێکی نوێ: هەرزانترین 32GB ی DDR5 گەیشتە $450، و چاودێرانی بازاڕ لەسەر ئەوە ڕێک نین کە کەی هەرزان دەبێتەوە. لە یارییەکاندا، بەڕێوەبەرانی Rockstar باسی یەکێک لە هۆکارەکانی دواخستنی GTA VI کرد، و Epic ڕایگەیاند Fortnite دێتە سەر Linux. لە ژیریی دەستکردیشدا، ململانێی OpenAI و Apple لە دادگا گەرمتر بوو.
گرنگترینەکانی هەفتە
نرخ و بازاڕ
نرخی 32GB میمۆریی DDR5 گەیشتە $450، و RAM لە ساڵێکدا زیاتر لە 500% گران بووە
هەرزانترین کۆمەڵەی 32GB ی DDR5-6000 ئەمڕۆ بە $449.97 دەفرۆشرێت. هەمان کاتدا فرۆشتنی کۆمپیوتەر لە چارەکی سێیەمدا 20% دابەزیوە.
کۆنسۆڵ و یاری
Bloomberg: ژمارەی زۆری کەسایەتییەکانی ناو GTA VI یەکێک بوو لە هۆکارەکانی دواخستنی
Rockstar بۆ ئەم کارە ستۆدیۆیەکی تەواوی لە Los Angeles کردەوە. بەڕێوەبەرێکی گەشەپێدان دەڵێت دەیانتوانی بە کاتی پێشوو بگەن، بەڵام ئەو یارییە نەدەبوو کە دەیانەوێت.
کارتی گرافیک
DLSS 5 دوو هێندە خێراتر بوو و 20% کەمتر VRAM دەبات
NVIDIA دەڵێت مۆدێلە نوێیەکە لە چاو یەکەم نمایشی مانگی ئازار 10 هێندە خێراترە. لە ١٦ی تشرینی یەکەم دەگاتە کارتەکانی RTX 50.
ژیریی دەستکرد
OpenAI دەڵێت کارمەندێکی پێشووی زیاتر لە ١٠٠ فایلی نهێنیی بردووە و پیشانی Apple ی داوە
لە بەڵگەنامەیەکی دادگادا OpenAI ئەمجارە Apple تۆمەتبار دەکات، و ئامێرە نوێیەکانی Apple، وەک HomeView، بەو فایلانەوە دەبەستێتەوە. Apple هێشتا وەڵامی نەداوەتەوە.
کۆنسۆڵ و یاری
Fortnite دێتە سەر Linux، دوای ئەوەی Epic سیستەمی دژە-فێڵەکەی نوێ دەکاتەوە
Epic دەڵێت هەر کە وەشانی نوێی Easy Anti-Cheat لەگەڵ بەشی زۆری دابەشکراوەکانی Linux کاری کرد، Fortnite دێتە سەر Linux. Steam Deck هێشتا پشتگیری ناکرێت.
کۆنسۆڵ و یاری
Microsoft کۆنترۆڵەرێکی گیرفانیی Xbox ی بە $49.99 ناساند
Xbox Nano Controller بچووکترین کۆنترۆڵەرە کە Xbox تا ئێستا دروستی کردووە: نزیکەی 99 گرام، و لە تشرینی دووەمدا دەگاتە بازاڕ.
نرخ و پێشبینی
TrendForce، ١٤ی تشرینی یەکەمبۆ 2027
خەرجیی نۆ کۆمپانیای گەورەی هەور لە 2027 دا زیاتر لە $1.5 تریلیۆن دەبێت، واتە 60% زیاتر لە 2026. ئەمە یەکێکە لە هۆکارە سەرەکییەکانی داواکاری لەسەر میمۆری.
دەنگۆکانی هەفتە
بەم زووانە
- ١٦ی تشرینی یەکەمی ٢٠٢٦DLSS 5فەرمی
- ١٩ی تشرینی دووەمی ٢٠٢٦GTA VIفەرمی
- ١٩ی تشرینی دووەمی ٢٠٢٦PS5 Midnight Blackفەرمی
وشەی هەفتە
CPU
Central Processing Unit
پرۆسێسەر: مێشکی کۆمپیوتەر، کە فەرمانی بەرنامەکان جێبەجێ دەکات.
هەموو وشەکان لە فەرهەنگۆک
